Silicona giehtabáttit sámegiel teavsttain
Čalmmustuhttit sámegiela lea Isak Saba guovddáš rahkadan čába giehtabáttiid siliconas sámegiel teavsttain. Dáid mii vuovdit 20,- kr čiŋas.
2008-04-29 Loga eambbo...
DUHKORATTA!
Isak Saba guovddážis fállat buot mánáide vuollel 8 jagi boahtit duhkoraddat sámegillii. Jus vánhemis ii leat vejolašvuohta boahtit sáhttá muhtun eará čuovvut máná.
Mis leat deaivvadeamit juohke nuppi maŋebárgga gos mis leat feara makkár doaimmat.
Mii leat ráhkadan koarttaid maid sáhttá geavahit sátneoahpus. Muhtin koarttain leat lávlagat, eará koarttat čájehit dávviriid govain ja sániin.
2007-01-10 Loaga eanet...
Girjjáš sávzza birra
Isak Saba Guovddáš áigu almmuhit girjjáža sávzza birra. Girjjážis váldit ovdán ulluid, dovdomearkkaid ja veaháš sávzza luonddu birra.
Leat čohkkemin sávzii gullevaš sániid ja doahpagiid.
Girjjáža leat jurddašan mánáide ja olbmuide geat hálidit eanet sávzza birra oahppat.
Govvát: Eva-Maria Nilssen
2006-02-21
Geallu
Gávdnojit unnán doaimmat dahje arenat gos olbmot besset oahppat ja geavahit čiŋaheami gulleváš sániid. Go ámadadju galgá čábbán oaččut, leat máŋga sáni mat leat eŋgelas dahje dárogiel sánit.
2006-02-21 Loaga eanet...
Várjjat ruoná guolli
Mii leat almmuhan girjji ”Tyskálaččat eai máhte sámegiela goittot”. Girjái áigut ráhkadit CD:a gos beassat gullat muitalusaid Unjárgga suopmanii. Áigut maid ráhkadit neahttabáikki min siidduide gos bidjat bargobihtáid muitalusaide.
2006-02-20 Loaga eanet...
Vánhemidda geainna leat mánát sámegielat ossodagas mánáidgárddis ja/dahje 1. luohkkás
Isak Saba guovddáš lágida bearašfierbmádaga deaivvademiid geasi rádjái. Geahča deaivvadan plána mii lea mielddusin. Fierbmádat lea jurddašuvvon buohkáide geainna leat mánát sámegielat ossodagas dahje sámegielat luohkkás. Dáinna lágin mii áiggušeimmet buktit sámegiela eambo oidnosii ja sihkarastit ahte giella gullo olggobealde mánáidgárddi/skuvlla ja ruovttu.
2006-02-20 Loga eambbo..
Lagaš historjá
Mii almmuhat fargga girjji ja CD-skierru mas olbmot muitalit fearániid
lagaš historjjás. Ollu leat dieđusge soahtemuittut.Dás oaidnit Heandde-Ándde
doallamin heastta, ja Fáre-Gájjá biebmonieiddainnis Uhca-Risteniin čohkkába jorriid
siste. Tuiskalaš Mattias Schlagwein lea govvedan, ja čállá ahte dá lei su
vuosttas deaivvadeapmi Finnmárkku olbmuiguin.
2005-06-24 Loga eambbo...
OVTTASBARGU UNJÁRGGA SKUVLLAIN
2005-10-26 Loga eambbo...
BEARAŠFIERBMÁDAT
Várjjagis leat ollu váhnemat geat háliidivčče mánáidasaset sámegiela oahpahit. Bearašfierbmádat lea fálaldat bearrašiidda geain leat mánát vuollel skuvlaagi, ja háliidit sámegielat deaivvadanbáikki gos ožžot gielladoarjaga.
2005-10-27 Loga eambbo...
Gáhtte gollegiela 2005
2005 lea Unjárgga gielddas gáhtte gollegiela jahki.
Unjárga lea sámi kultuvrralaš resuššaguovddáš gos sámi kultuvra eallá ja ahtanušša.
Gáhtte gollegiela jagis čálmmustit ja nannet sámegiela geavaheami.
2005-06-21 Loga eambbo...
VÁRJJATVUONGÁTTIS FÁDDÁGIRJERÁIDU
Mii leat jo ráhkadan guokte fáddágirjji "Várjjatvuongáddi" -ráiddus. Vuosttaš girji, "Somá fiervvás" muitaleimmet maid fiervvás sáhttá bargat, ja dás gávdnat maid muhtin skálžonama. Nuppi girjjážis, "Rievssatgárdun" muitalat árbevoirolaš rievssatbivddu, gárduma birra. Dál leat ráhkadeamen girjji mas muitalat mo Várjjatvuotna geavahuvvui ja ain geavahuvvo bargosadjin. Girjjážis oaidnit mo olbmot ávkkástalle meara, ii dušše eallinláibin, muhto maiddái ee. johtolahkan.
Govvan/Foto: Mari-Ann Nilssen
2005-10-27
GUOLLEBIVDINBIERGASIID TERMINOLOGIIA
Mii bargat čadat mearrasámi tearpmaid seailluhemiin ja ovdánahttimiin. Mii leat giitevaččat barggu ovddas maid Helmer Losoa lea dahkan go lea čohkken dološ bivdobiergasiid ja dávviriid. Mannan geasi rabai son museaža Builuvttas, gos čohkkejuvvon dávvirat ledje merkejuvvon sámegiel ja dárogiel namahusaiguin. Isak Saba guovddáš lei ovttas Losoain ja eará ressurssaolbmuiguin gielddas čohkken ja dárkkistan dáid namaid.
2005-01-13
TRANSKRIBERET ELIEL LAGERKRANTZ ČOHKKEHUSAID UNJÁRGGAS
Ovttas Várjjat Sámi Museain áigut almmustahttit dološ Unjárgga muitalusaid ja ludiid. Eliel Lagerkranz jodii Unjárggas mannan jahkečuodi álgogeahčen, ja dál galgat transkriberet su teavsttaid fonehtalaš čállosiin dálá čállinvuohkái. Teavsttat jorgaluvvojit maiddái dárogillii.
2005-10-27
BÁIKENAMAT
Mii leat guhkit áigge jo bargan báikenamaid registreremiin gielddas. Ovttas vuorrasat olbmuiguin ja eará diehttiiguin áigut ráhkadit smávva kártagirjjáža masa merket buot báikenamaid, ja mii geahččalat maiddái čilget namaid sisdoalu.
2005-01-13
UNJÁRGGA LEKSIKONAŠ
Bargadettiin prošeavttaiguin oažžut čadat dieduid gieldda birra maid vurkkodat. Áigomuš lea geavahit dáid dieduid ja ráhkadit smávva Unjárgga leksikonaža mas olmmoš gávdná iešgudetlágán dieduid gieldda birra.
2005-01-13
Čálit
Cavgil ustibii