Unjárgga gieldda girjjálašvuođa- ja giellavahkku

Duhkoratta - "Bahánihkkánis Mepusa ja Kamikazeveahka"

Mii leat bovden girječálli Eivor Meisler duhkoraddamii guoimmuhit mánáid iežas girjjiin "Mepusa ja Kamikazeveahka". Dát girji lea vuosttas girji man girječálli Eivor Meisler lea čállán. Eivor lohká sámegillii Bonvika boanddadálu gáhtu "Mepusa" ja sáhpániid fearániid birra. 

2019-10-15

Goas: Maŋŋebárgga 22.10.19 tii. 17:30-19:00
Gos: Isak Saba guovddážis (mii leat fárren SMIHL vistái)
Geat: Buot mánát geat háliidit sámegielat birrasis duhkoraddat

Eivor Meisler lea Romssalaš ja bargá buohccidivššárin ja dáiddaterapeutan. Son lea maiddái orrun Deanušalddis ja lohkan sámegiela Isak Saba guovddážis. Son máhttá veahá sámegiela, muhto čállá dárogillii. Son álggii girječállin 2014is ja sárgo ieš govaid girjjiide. 

Unjárgga gieldda girjjálašvuođa- ja giellavahku oktavuođas mii leat bovden Eivora guossái. Isak Saba guovddáš sávvá bures boahtima Eivorii ja sávvat ahte boađašit "Duhkoratta" doibmii gos beasat gullat oasáža "Mepusa" máilmmis. 

FUOMÁŠ: Isak Saba guovddáš lea fárren SMIHL visttái (ovddeš ASVO). 

Giella Norsk - NorwegianGiella Sami - Samisk