09.05.19 Oslos Kulturvernets hus i Øvre Slottsgate 2. tii. 12:30-13:30

Girjealmmuheapmi – Isak Saba álbmotmuitočoakkáldat

NFS+foto+7+Sabaportrett001_300x490

Isak Saba, guhte lei sámiid vuosttaš stuorradiggeáirras, maiddái čohkkii álbmotmuittuid. 1900 logu álggus jođii Várjjagis, Njávdámis ja Boris Glebas ja čohkkii máidnasiid, luđiid ja leuddaid.

Čohkkejuvvon čállosiid son attii Norsk Folkeminnesamling:ai go son dáhtui sin almmuhit dáid čállosiid. Farga čuođi jagi maŋŋel viimmat almmuhuvvojit su čállosat NFLa čálaráiddus.

Norsk folkeminnelag (NFL), Isak Saba-guovddáš Unjárggas, Sámi arkiiva Guovdageainnus ja Norsk Folkeminnesamling (NFS) Oslos almmuhit dál girjji Optegnelser - Isak Sabas folkeminnesamling /Čállosat Isak Saba álbmotmuitočoakkáldat. Kulturhistoriihkkár Line Esborg, IKOS, UiO lea čállán álggahusa čoakkáldahkii ja redigeren girjji.

2019-05-02

Girjjiin háliidit olahit lohkkiid geain lea kulturhistorjjálaš beroštupmi, ja sávvat juohkit dieđuid nuortasámiid immateriella kulturárbbis.

Girjjis leat sámegillii ja dárogillii paralleallateavsttat, mat leat čállon nu go muitaleaddjit muitaledje muitalusaid Isak Sabai 1900-álggus, ja nu go ieš maŋŋil jorgalii daid. Čállosat addet erenoamáš dieđuid juohkebeaivválaš eallimis davvin 1900-logu álggus. Erenoamážit bohtet ovdan dieđut nuortalaččaid eallimis,dieđut mat dál leat vajálduvvamin.

Mii sávvat girji lea ávkin dieđuid juohkimis ja nuortasápmelaččaide giela ja identitehta ektui, maiddái sidjiide geat eai máhte nuortalašgiela.

Girji lea oassi  NFL čálaráiddus, mii lea dieđalaš girjeráidu, almmuhuvvon ovttas lágádusain Spartacus forlag/Scandinavian Academic Press.

Giella Norsk - NorwegianGiella Sami - Samisk