Bovdehus Sámi giellakonferánsii

Unjárgga gielda ja Isak Saba guovddáš bovdeba sámi giellakonferansii Vuonnabahtii skábmamánu 27. beaivve tii. 0900-1500. 2009-11-10

Ulbmiljoavkkus leat vánhemat, skuvlla/mánáidgárdde bargit ja buot earát geat dáhttot sámegiela gáhttet.

Gielladuŧkiguovttos Tove Skutnabb Kangas ja Nils Øyvind Helander logadallaba fáttáin "Jus fal gáhttet gollegiela", ja Kirsti Suongir fáttáin; "Mo dárogielhálli eadni rahčá oažžut sámegiela ruovttugiellan". Loahpageahčen beaivvi lea paneladigaštallan fáttáin: "Boahtteáigge geaidnu - Mo galgá sámegiella seailut Várjjagis?".

Konferanssa ulbmil lea guorahallat ja ságastallat sámegiela hástalusaid birra dál ja boahtteáiggis. Makkár uhkádusat ja hástalusat leat sámegiela seailluheames? Mo nannet ja movttidahttit Várjjagaččaid geavahit sámegiela? Mo lea otná gielladilli? Mo oažžut eambbosiid hállat sámegiela?

Mii galgat ságastallat otná gielladili birra, ja gávdnat čovdosiid boahteáigge hástalusaide. Ovttas galgat gávdnat doaimmaid mat boahtteáiggis nannejit sámegiela geavaheame.

Konferanssadiva: 300 kr. almmolaš ásahusa oasseváldis, nuvttá vánhemiidda geat servet privahttaolmmožin.

Váldde oktavuođa: Siv Irene Andersen tlf. 40440551, mailačuj.: andsiv@nesseby.kommune.no

Dieđihanáigemearri 17.11.2009 Isak Saba guovddážii; mailačuj.: isaksaba@nesseby.kommune.no